GHAZLEIN AHMED NADEEDM QASMI KI - احمد نديم قاسمى کی غزلیں

 احمد نديم قاسمى کی غزلیں

غزل نمبر ايک

 

سانس لينا بهى سزا لگتا ہے		اب تو مرنا بهى روا لگتا ہے
کوه غم پر سے جو ديکھوں تو مجھے		دشت آغوش فنا لگتا ہے
سر بازار ہے ياروں کى تلاش		جو گزرتا ہے خفا لگتا ہے
مسکراتا ہے جو اس عالم ميں		بخدا مجھ کو خدا لگتا ہے
نُطق کا ساتھ نہيں ديتا ذہن		شکر کرتا ہوں گلہ لگتا ہوں
اتنا مانوس ہوں سناٹے سے		کوئى بولے تو برا لگتا ہے
اس قدر تند ہے رفتار حيات		وقت بهى رشته بپا لگتا ہے

---

غزل نمبر دو

پهولوں سے لہوکيسے ٹپکتا ہوا ديکھوں		آنکهوں کو بجھالوں کہ حقيقت کو بدل دوں
حق بات کہوں گا مگر اے جرٲت اظہار		جو بات نہ کہنى ہو وہى بات نہ کہہ دوں
ہر سوچ په خنجر سا گذر جاتا ہے دل سے		حيراں ہوں کہ سوچوں تو کس انداز ميں سوچوں
آنکهيں تو دکهاتى ہيں فقط برف سے پيکر		جل جاتى ہيں پوريں جو کسى جسم کو چهولوں
چہرے ہيں کہ مرمر سے تراشى ہوئى لوحيں		بازار ميں يا شہر خموشاں ميں کھڑا ہوں
سناٹے اڑا ديتے ہيں آواز کے پرزے		ياروں کو اگر دشت مصيبت ميں پکاروں
ملتى نہيں جب موت بهى مانگے سے تو يارب		ہواذن تو ميں اپنى صليب آپ اٹھا لوں

---

غزل نمبر تين

لب خاموش سے افشا ہوگا		راز ہر رنگ ميں رسوا ہوگا
دل کے صحرا ميں چلى سرد ہوا		ابر گلزار په برسا ہوگا
تم نہيں تھے تو سر بام خيال		ياد کا کوئى ستارہ ہوگا
کس توقع په کسى کو ديکھيں		کوئى تم سا بھى حسيں کيا ہوگا
زينت حلقهء آغوش بنو		دور بيٹھو گے تو چرچا ہوگا
ظلمت شب ميں بھى شرماتے ہو		درد چمکے گا تو پھر کيا ہوگا
جس ميں بھى فنکار کا شاهکار هو تم		اس نے صديوں تمہيں سوچا ہوگا
کس قدر کرب سے چٹکى ہے کلى		شاخ سے گل کوئى ٹوٹا ہوگا
عمر بھر روئے فقط اس دهن ميں		رات بھيگى تو اجاﻻ ہوگا
سارى دنيا ہميں پہچانتى ہے		کوئى ہم سا بھى نہ تنہا ہوگا